सरकारले आजबाट सातै प्रदेशमा रेबिजविरुद्धको खोप सेवा सुरु गरेको छ । रेबिजविरुद्धको इम्युनोग्लोबुलिन खोपलाई प्रदेश र जिल्ला हुँदै स्थानीय तहसम्म पुर्याउने रणनीतिका साथ आइतवारबाट सातै प्रदेशमा सेवा सुरु गरिएको हो । स्वास्थ्य तथा जनसंख्या मन्त्रालयका अनुसार अब सात वटै प्रदेशको ९ वटा अस्पतालबाट रेबिजविरुद्धको खोप लिन सकिने छ ।

सरकारले प्रदेश नं. १ को कोशी अस्पताल, प्रदेश नं. २ को जनकपुर प्रादेशिक अस्पताल र नारायणी अस्पताल, बागमती प्रदेशको मदन भण्डारी स्वास्थ्य विज्ञान प्रतिष्ठान, भरतपुर अस्पतालबाट खोप दिन सुरु गरेको हो ।

त्यसैगरी, गण्डकी प्रदेशको पोखरा स्वास्थ्य विज्ञान प्रतिष्ठान, कर्णाली प्रदेशको सुर्खेत अस्पताल र सुदूरपश्चिमको सेती प्रादेशिक अस्पतालमा सेवा सुचारु गरेको छ । गत बिहिवार स्वास्थ्य मन्त्री विरोध खतिवडाले रेविजविरुद्धको खोप सेवा विस्तार गरिने बताएका थिए । सन् २०३० सम्ममा विश्वमै रेबिजबाट हुने मानव मृत्यु शुन्यमा झार्ने लक्ष्यका सरकारले देशभर रेविज खोप विगस्तार गरेको हो ।