नेकपा एमालेका अध्यक्ष केपी ओलीले नेपाली काँग्रेस प्रचण्डपथमा गएको आरोप लगाएका छन् । बाँकेको नेपालगञ्जमा आयोजित कार्यक्रममा अध्यक्ष ओलीले वीपी, गणेशमान र कृष्णप्रसाद भट्टराईले आर्जेको काँग्रेस अब नरहेको टिप्पणी गर्दै प्रचण्डपथमा लागेको आरोप लगाएका हुन् । अध्यक्ष ओलीले दुई हजार १५ सालमा दुई तिहाइ ल्याएको कांग्रेस बहुमत हुँदै खस्किएर सकिने अवस्थामा पुगेको बताए ।

नेकपा एमाले मात्र देश र जनताको हितमा काम गर्ने पार्टी भएको दावी गर्दै अध्यक्ष ओलीले २० वर्षमा गर्न नसकेको काम आफूले ३ वर्षको गरेको जिकिर गरे । नेकपा एमाले प्रादेशिक, जातीय पार्टी नभई देश बनाउने भरपर्दो पार्टी भएको उल्लेख गर्दै अध्यक्ष ओलीले आगामी निर्वाचितमा बहुमत दिन आह्वानसमेत गरे ।

कार्यक्रममा गत निर्वाचनमा बाँके क्षेत्र नं. २ बाट सूर्य चिन्ह लिएर स्वतन्त्रबाट चुनाव लडेका पशुपति दयालको नेतृत्वमा करीब ४ हजार जना एमालेमा प्रवेश गरेका थिए ।