सर्वोच्च अदालतले बाँकेकी रुबी खानलाई रिहा गर्न आदेश दिएको छ । विभिन्न हिंसाका घटनामा प्रहरीले अनुसन्धान नगरेको भन्दै रुबी सहितको टोली दबाब दिन नेपालगञ्जबाट हिँडेर काठमाडौं आएको थियो ।

काठमाडौं आइपुगेपछि प्रहरीले उनी सहित १३ जनालाई पक्राउ गरेको थियो । पक्राउ भएपछि रुबीलाई प्रहरीले नेपालगञ्ज पु¥याएको थियो । त्यसविरुद्ध परेको बन्दी प्रत्यक्षीकरण रिटमा न्यायाधीश अनिलकुमार सिन्हाको इजलासले बिहीबार रिहा गरी सर्वोच्चका सहरजिष्टारको जिम्मा लगाउन आदेश दिएको छ । यस्तै उनलाई पुनःधरपकड नगर्न पनि आदेश दिएको छ ।