पछिल्लो २४ घण्टामा ७६० जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ६ हजार १ सय ६८ पीसीआर परीक्षणमा ६ सय ३६ र ५ हजार ८ सय ६३ एन्टिजेन परीक्षणमा १ सय २४ जना गरी ७ सय ६० जनामा संक्रमण पुष्टि भएको हो ।

मन्त्रालयका अनुसार ८ हजार ९९ जना निको भएका छन् भने ११ जनाको मृत्यु भएको छ । हालसम्म कोरोना भाइरस संक्रमणका कारण मृत्यु हुनेको संख्या ११ हजार २ सय २१ पुगेको छ । हाल देशभर कोरोना भाइरसका सक्रिय संक्रमित १५ हजार ३ सय ४० जना छन् ।

तीमध्ये १४ हजार १ सय ६८ जना होम आइसोलेसनमा र ११ हजार ७२ जना संस्थागत आइसोलेसनमा छन् । संस्थागत आइसोलेसनमा रहेकामध्ये ३ सय १७ जना आईसीयूम र १ सय १३ जना भेन्टिलेटरमा उपचाररत छन् । पछिल्लो २४ घण्टामा काठमाडौंमा १ सय २५, ललितपुरमा ५७, भक्तपुरमा २५ जना संक्रमित भेटिएका छन् ।