राजावादी समूहले २०४७ सालकै संविधान ब्यूँत्याउनुपर्ने माग गर्दै काठमाडौंमा प्रदर्शन गरेका छन् । राजसंस्था, हिन्दुराष्ट्र र २०४७ सालकै संविधान व्युताउनुपर्ने भन्दै उनीहरुले आइतबार काठमाडौंको बानेश्वरमा प्रदर्शन गरेका हुन् । प्रदर्शनका क्रममा उनीहरुले मुलुकको संविधानको प्रति जलाएका थिए । माइतीघरबाट सुरु भएको राजावादी समूहको ¥याली संविधान विरोधी नाराबाजीका साथ वानेश्वर पुगेको थियो ।

नेपालको संविधान २०७२ ले सबै जनता नसमेटिएको र संविधान जनताको भावनाबाट नभई सिमित राजनीति दलको खेलबाट ल्याइएको उनीहरुको आरोप छ ।

उनीहरुले निषेधित क्षेत्रमा प्रवेश गर्ने प्रयास गरेपछि प्रहरीले बल प्रयोग गरेर रोकेको थियो । प्रदर्शनमा सहभागीहरुले २०४७ सालकै संविधान लागू गर्नुपर्ने माग गर्दै नारावाजी गरेका थिए ।