सरकारले चीनमा खरिद गरेको ४४ लाख भेरोसेल खोप आज काठमाडौं आइपुगेको छ । नेपाल वायु सेवा निगमको वाइडबडी विमान बेइजिङबाट खोप लिएर काठमाडौं आइपुगेको हो ।

सरकारले चीनबाट खरिद गरेको ६० लाख मात्रा खोपमध्ये यसअघि १६ लाख मात्रा ल्याइसकेको छ । चीनबाट ल्याइएको खोप ४० बर्ष माथिको उमेर समूहलाई वितरण गर्ने तयारी छ । नेपालमा अहिलेसम्म १ करोड ३३ लाख मात्रा खोप ल्याइसकिएको स्वास्थ्य मन्त्रालयले जनाएको छ । थप खोप पनि भित्रने क्रममा रहेको मन्त्रालयले जनाएको छ ।