नेकपा एमालेका अध्यक्ष केपी ओलीले शान्तिपूर्ण आन्दोलनमा दमन गरेर प्रतिवादमा उत्रिनुपर्ने बाध्यकारी अवस्थामा नपु¥याउन सरकारलाई चेतावनी दिएका छन् । काठमाडौं जिल्लास्तरीय प्रशिक्षण कार्यक्रमलाई सम्बोधन गर्दै ओलीले शान्तिपूर्ण प्रदर्शनमा सरकारले दमन गरेको बताए । ओलीले आफू सरकारमा बस्दा शान्तिपूर्ण जुलुसमा लाठी समेत नहानेको दाबी गर्दै अति भए प्रतिवादमा उत्रने चेतावनी दिए ।

ओलीले ५ लाखलाई १० हजार एकपटक बाँडेर गरिबी हट्छ भन्दै सरकारलाई प्रश्न गरे । सरकारले प्रतिस्थापन विधेयकमार्फत गरिबलाई १० हजारका दरले रकम दिन गरेको निर्णयलाई ओलीले कार्यकर्तालाई पोस्न राज्यकोष दुरुपयोग गरेको टिप्पणी गरे ।

अध्यक्ष ओलीले घण्टाघर यो सरकारले बनाउन नसक्ने भन्दै बनाउन नसक्नेलाई नभत्काउन सुझाव दिए । उनले एमाले आगामी चुनावपछि नौमति बाजा बजाएर मुल गेटबाट सिंहदरबार पस्ने दावी समेत गरे ।