नेत्रविक्रम चन्द नेतृत्वको नेकपाका नेता खड्गबहादुर विश्वकर्माले अमेरिकी परियोजना मिलेनियम च्यालेन्ज कर्पोरेसन (एमसीसी) अघि बढाए देशमा आगो लाग्ने चेतावनी दिएका छन् । एमसीसीविरुद्ध जारी आन्दोलनबारे शनिबार काठमाडौंमा आयोजित पत्रकार सम्मेलनमा नेता विश्वकर्माले यस्तो चेतावनी दिएका हुन् । जनताकै विरोधका कारण अहिलेसम्म एमसीसी पास हुनबाट रोकिएको उनको भनाइ छ ।

नेता विश्वकर्माले एमसीसीविरुद्ध २८ गते बृहत् कार्यक्रम घोषणा गर्ने जानकारी दिए । एमसीसी पास गर्ने मूर्खता गरिए शेरबहादुर देउवा नेतृत्वको सरकारविरुद्ध प्रतिरोध गर्ने चेतावनी पनि उनले दिए । उनले प्रधानमन्त्री देउवाले जनताको कुरा सुनेर एमसीसीलाई संसदमा लैजान नहुने पनि उनले बताएका छन् ।