राष्ट्रिय विभूति युवाकवि मोतीराम भट्टको १५५ औँ जन्मजयन्ती मंगलबार विभिन्न साहित्यिक कार्यक्रमको आयोजना गरी मनाइएको छ ।

विसं १९२३ भाद्र कृष्ण कुशेऔँशीका दिन जन्मेर विसं १९५३ भाद्र कृष्ण कुशेऔँशीकै दिन ३० वर्षको उमेरमा निधन हुनुभएका मोतीराम भट्टले नेपाली साहित्यको श्रीवृद्धिका लागि गहन योगदान पुराउनुभएको थियो । । दिवसका अवसरमा नेपाल प्रज्ञा प्रतिष्ठान साहित्य बिभागले प्रज्ञा गजल महोत्सवको आयोजना गरेको थियो भने श्रष्टाहरुले गजल बाचन गरेका थिए ।

नेपाली साहित्यको शृङ्गार रसलाई योगदान दिएका युवाकवि मोतीराम भट्टले आदिकवि भानुभक्तको जीवनी पहिलोपटक प्रकाशनमा ल्याउनाका साथै नेपालमा छापाखानासमेत भित्राउनुभएको थियो । यही छापाखानामार्फत् नेपालमा पत्रकारितको शुरुआत् भएको मानिन्छ ।