नेपालमा थप थप १ हजार ७ सय ५६ जनामा कोरोना संक्रमण पुष्टि भएको छ । पछिल्लो २४ घण्टामा देशभर गरिएको ९ हजार ७ सय ७३ पिसिआर परिक्षणका क्रममा १ हजार ३ सय ५७ र ४ हजार ५ सय ६१ एन्टीजेन परिक्षणका क्रममा ३ सय ९९ जनामा कोरोना पुष्टि भएको स्वास्थ्य मन्त्रालयले जनाएको छ ।

योसँगै नेपालमा कोरोना संक्रमितको संख्या ८ लाख ५१ हजार ९ सय ६४ पुगेको छ । त्यस्तै कोरोनाका कारण थप २३ जनाको मृत्यु भएको छ । हालसम्म नेपालमा १० हजार ८ सय ९ जनाले कोरोनाका कारण ज्यान गुमाएका छन् । त्यस्तै थप २ हजार २ सय ७४ संक्रमित कोरोनामुक्त हुँदा हालसम्म नेपालमा ७ लाख २३ हजार ४ सय ५६ जना संक्रमणमुक्त भएका छन् ।

हाल ३३ हजार ७ सक्रिय संक्रमित आइशोलेशन र २७४ जना क्वारेन्टाइनमा छन् । त्यस्तै हालसम्म नेपालमा ३९ लाख ४६ हजार १ सय ८९ वटा पिसिआर र ४ लाख ८१ हजार ८ सय २१ वटा एन्टीजेन परिक्षण गरिएको मन्त्रालयले जनाएको छ ।