इटहरी । विश्वकै लोकप्रिय ब्रान्ड रोयल एनफिल्डले नेपाली बजारमा अपेक्षित नयाँ २०२५ मेटिओर ३५० मोडल सार्वजनिक गरेको छ ।
यो मोटरसाइकल नेपाली राइडरहरूका लागि अझ किफायती, सुविधा सम्पन्न र आकर्षक बनेर आएको हो ।
क्रूजर सेग्मेन्टमा लोकप्रिय मेटिओर अहिले नयाँ कलरमा अत्याधुनिक फिचर र उत्कृष्ट राइडिङ कम्फर्ट सहित प्रस्तुत गरिएको छ ।
रोयल एनफिल्ड मोटरसाइकल राइडरहरूको आकर्षर्ण बढे संगै कम्पनीले सात नयाँ कलरहरुमा उन्नत फिचर सहितका फायरबल, स्टेलर, ऑरोरा र सुपरनोभा नामक हाल चार भेरियन्टमा गरे संगै रोयल मोटर्स इटहरी,धरान, विराटनगर र विर्तामोडमा एकै साथ सार्वजविक गरिएको रोयल माटर्सका प्रवन्ध निर्देशक रोहित पराजुलीले जानकारी दिए ।

विश्वभर पाँच लाख भन्दा बढी मानिसहरूको विश्वास जितिसकेको मेटिओर ३५० लाई ३४९ सिसी जे–सिरीज एयर–कुल्ड इन्जिनले शक्ति दिन्छ, । नयाँ अपडेटसँगै सबै भेरियन्टहरूमा एलईडी हेडलाइट मानक रूपमा उपलब्ध छ ।
आरामदायी आसन, उत्कृष्ट क्रूजर डिजाइन र सहज सवारीका कारण यो मोटरसाइकल लामो दूरीका यात्रुहरूका लागि उपयुक्त मानिएको छ । रङ संयोजनमा पनि कम्पनीले ताजा रूप ल्याएको छ ।

सुपरनोभा भेरियन्टमा आधुनिक क्रोम फिनिश, ऑरोरामा रेट्रो–स्टाइल विकल्प, स्टेलरमा बोल्ड रङ स्किम र फायरबलमा युवामैत्री जीवन्त रङ प्रस्तुत गरिएको छ ।
ग्राहकहरूको स्वामित्व अनुभव सहज बनाउन कम्पनीले ७ वर्ष सम्मको विस्तारित वारेन्टी र रोडसाइड असिस्टेन्स सुविधा पनि सुरु गरेको छ।
रोयल एनफिल्डका अनुसार, नयाँ मेटिओर ३५० नेपालमा बढ्दै गएको राइडर समुदायका लागि अझ रोमाञ्चक र आधुनिक क्रूजिङ अनुभव दिने उद्देश्यले सार्वजनिक गरिएको हो ।