इटहरी । इटहरीको डिभिएमको खेल मैदानमा भएको कर्पाेरेट क्रिकेट प्रतियोगिता सम्पन्न भएको छ ।
प्रतियोगिताको फाइनल खेलमा हिमालयन बैंकले उपाधि जित्न सफल भएको छ ।
सम्पन्न फाइनल खेलमा युवा उद्यमी मञ्च सुनसरीलाई ३ विकेटले पराजित गर्दै हिमालयन बैंकले उपाधि हात पारेको हो ।
उपाधिसँगै हिमालयनले नगद २५ हजार र शिल्ड,प्रमाणपत्र हात पारेको छ । उपबिजेता भएको युवा उद्यमी मञ्चले नगद १५ हजार रुपैयाँ पाएको छ । छरिएर रहेका व्यवसायीहरुलाई एक आपसमा चिनजान र भाइचारा अभिवृद्धि गराउन, खेलको माध्यमबाट होटल तथा पर्यटन व्यवसायलाई चलायमान गराउने उद्धेश्यले सञ्चालन गरिएको प्रतियोगितामा १६ वटा टिमको सहभागिता रहेको थियो ।
जिल्ला होटेल तथा पर्यटन व्यवसायी संघ सुनसरीको आयोजनामा सम्पन्न प्रतियोगिताको विजेता तथा उपबिजेतालाई कार्यक्रमका प्रमुख अतिथि उद्योग वाणिज्य संघ कोसी प्रदेशका उपाध्यक्ष भीम पौडेल, जिल्ला होटेल तथा पर्यटन व्यवसायी संघका अध्यक्ष तेजबहादुर पुरी,एक्सपोर्ट एजुकेसनका प्रवन्ध निर्देशक कमल तिम्सीना , उद्योग वाणिज्य संघका महासचिव विनोद पौडेल, होटेल व्यवसायी महासङ्घका केन्द्रीय उपाध्यक्ष देबी गौतम, क्यान सुनसरी अध्यक्ष सिपी पौडेल लगायतले पुरस्कार वितरण गरेका थिए ।