चालु आर्थिक वर्षको दोस्रो त्रैमाससम्ममा निर्देशन नमानेको भन्दै राष्ट्र बैंकले १४ वटा वाणिज्य बैंकहरुलाई कारबाही गरेको छ । तीन महिना अघि मुद्दती निक्षेपको ब्याजदर परिवर्तन गरेको र केही कम्पनीहरुको खाता रोक्का राख्न दिएको निर्देशन पालना नभएको भन्दै बैंकहरुलाई कारवाही गरिएको हो ।

ति बैंकहरुले मुद्दती निक्षेप तथा साधारण निक्षेपको ब्याजअन्तर ५ प्रतिशतभन्दा बढी राखेको, निर्देशन अनुसार अनिवार्य नगद मौज्दात र वैधानिक तरलता अनुपात कायम नगरेकाले कारवाही गरिएको राष्ट्र बैंकले जनाएको छ । राष्ट्र बैंकले राष्ट्रिय वाणिज्य बैंक, नबिल बैंक, हिमालयन बैंक, नेपाल एसबिआई, नेपाल बंगलादेश, एनसीसी, सिटिजन्स, सनराइज, मेगा, सेन्चुरी र प्रभु बैंकलाई अधिकतम २ लाखसम्म जरिवाना र सचेत पत्र पठाएको छ ।