प्रतिनिधिसभाको बैठक आज पनि सूचना टाँस गरेर स्थगित भएको छ । नेकपा एमालेसँगको छलफल टुंगो नलागेको र सत्ता गठबन्धनमा सहमति नभएकाले सरकारले बैठक आइतबारसम्मका लागि स्थगित गर्न सभामुख अग्नि सापकोटालाई आग्रह गरेको हो ।

सरकारको तर्फबाट कानूनमन्त्री दिलेन्द्रप्रसाद बडूले सभामुख सापकोटासँग छलफल गरेर बैठक स्थगित गरिएको हो । माओवादी केन्द्रले मतविभाजन मागेर सरकारको प्रस्ताव असफल बनाउने प्रयास गरेको भन्दै सरकारले बैठक स्थगित गर्न आग्रह गरेको समेत बताईएको छ ।