नेपाल राष्ट्र बैंकले विद्युतीय भुक्तानी सेवा प्रदायकलाई अन्तर आवद्धता सेवा लागू गर्न निर्देशन दिएको छ । एउटा सेवा प्रदायकबाट अर्को सेवा प्रदायकलाई भुक्तानी गर्न सक्ने गरी प्रणाली बनाउन राष्ट्र बैंकले निर्देशन दिएको हो । राष्ट्र बैंकको यो निर्देशनसँगै अब कुनै इसेवाबाट अर्को वालेट खल्तीमा पैसा पठाउन सकिनेछ ।

एउटा वालेटबाट अर्को कम्पनीको वालेटमा रकम पठाउन सकिने व्यवस्था यस अघि अनिवार्य थिएन । यस्तै व्यवस्था क्यूआरका लागि पनि लागू हुने राष्ट्र बैंकले बताएको छ । ६ महिनाभित्र सबै कम्पनीहरुले सम्झौता गरी अन्तर आवद्धता लिइसक्नु पर्ने छ ।

यसैगरी राष्ट्र बैकले अनलाइनबाट हुने ठगीबाट बँच्न अपरिचित व्यक्तिलाई पासपोर्ट तथा अन्य संवेदनशील जानकारी नदिन पनि आग्रह गरेको छ । विद्युतिय कारोबार गर्दा आफु ठगीएको शंका लागेमा उजुरी दर्ता गर्न समेत आग्रह गरिएको छ ।