संस्कृति, पर्यटन तथा नागरिक उड्डयन मन्त्री प्रेमबहादुर आलेले नारायणहिटी दरबार संग्रहालयमा रहेका जिर्ण संरचनाको मर्मत सम्भार गर्न निर्देशन दिएका छन् । बिहीवार नारायणहिटी दरबार संग्रहालयको स्थलगत अवलोकन गर्दै मन्त्री आलेले संग्रहालय परिसरमा रहेका जिर्ण संरचना र गाडीहरुको मर्मत सम्भार गर्न निर्देशन दिएका हुन् । उनले संग्रहालयका अधुरा कामलाई सम्पन्न गर्नका लागि छुट्टै डिपिआर बनाउन पनि निर्देशन दिए ।

मन्त्री आलले बतास समुहलाई नारायणहिटी दरबार संग्रहालयबाट हटाउन र आवश्यक अनुसन्धान गर्न सम्बन्धित निकायलाई पत्राचार गरिसकेको जानकारी पनि दिए । उनले संग्रहालय परिसरलाई व्यवस्थित गर्नका लागि आगामी आर्थिक वर्षमा बजेटको व्यवस्थापन गर्ने बताए ।