रुपन्देहीको भैरहवामा स्थापना भएको विशेष आर्थिक क्षेत्र सेज अझै पुर्ण रुपमा संचालनमा आएको छैन । उद्योगमैत्री वातावरण हुन नसक्दा हालसम्म पनि सेज पूर्ण रुपमा संचालनमा आउन नसको हो ।

बिशेष आर्थिक क्षेत्र प्राधिकरण बनिसकेको यो क्षेत्र बेलहिया भन्सारको समेत नजिक रहेको छ । ५२ विगाहा क्षेत्रफलमा रहेको सेजमा कूल ६८ वटा प्लट रहेता पनि हालसम्म ६ वटा उद्योग १८ वटा प्लटमा मात्रै संचालन आएका छन् । प्राय सहायक स्तरका कर्मचारीहरुमात्रै भएकाले कार्यालयहरु पनि अस्तब्यस्त छ ।

सेजको नीतिगत समस्याका कारण उद्योगीहरु उत्साहित नबनेकाले तत्काल नियमावली शंसोधन गरी उद्योग मैत्री बनाउन पर्र्नेे माग उद्योगीहरुको छ ।सेज स्थापनाको बर्षौं बितिसक्दा समेत पूर्ण रुपमा संचालनमा आउन नसक्नु दुर्भाग्य भएको यस क्षेत्रका उद्योगि ब्यवसायीले वताएका छन् । ६० प्रतिशत निर्यातको व्यवस्था, प्रशस्त विद्युत आपूर्ति, सुविधायुक्त पूर्वाधार र उचित प्रोत्साहनको अभावका कारण उद्योगीहरुले सेजप्रति खासै चासो दिएका छैनन् ।

करोडौंको लगानी रहेको सेजमा सहायक स्तरका कर्मचारीहरुको भरमा मात्रै उद्योग क्षेत्रको बिकास गर्न संभव छैन । सेजलाई पूर्ण रुपमा संचालनमा ल्याउन सरोकारवाला निकाय र उद्योगी व्यवसायीको सहकार्य आवश्यक छ ।