प्रधानमन्त्री शेरबहादुर देउवाले आगामी जेष्ट ४ गते एकै चरणमा स्थानीय निर्बाचन सम्पन्न गर्नका लागि मिति तोक्ने बताएका छन । मंगलबार बालुवाटारमा निर्वाचन आयोगका पदाधिकारीसंगको छलफलमा देउवाले आयोगले प्रस्ताव गरेको जेष्ट ४ गते नै स्थानीय निर्बाचन सम्पन्न गर्नका लागि प्रक्रिया अघि बढाउने बतााएका हुन ।

छलफलमा आयोगले संविधान र कानून बमोजिम जेष्ट ५ गते पछाडी स्थानीय तह रिक्त हुने भएकाले जेष्ट चार गते निर्वाचन गर्न प्रस्ताव गरेको र प्रधानमन्त्रीले सोहि मितिमा निर्वाचन गर्न प्रक्रिया अघि बढाउने जानकारी दिएको आयोगका प्रवक्ता शालिग्राम शर्मा पौडेलले जानकारी दिए । उनले जेष्ट चारमा निर्वाचन गर्न आयोग पूर्ण रुपमा तयार रहेको समेत जानकारी दिए ।

आयोगले स्थानीय तहको निर्वाचनमा १२ अर्ब रुपैयाँ खर्च लाग्ने अनुमान गरेको छ । आयोगका पदाधिकारीले मंगलबार प्रधानमन्त्री देउवालाई अनुमानित खर्चबारे जानकारी गराएका थिए ।