गृहमन्त्री बालकृष्ण खाँणले भिजिट भिसाको दूरुपयोग गर्ने माथि कडा निगरानी राख्न निर्देशन दिएको छन । गृहमन्त्री खाँणले मंगलबार वैदेशिक रोजगारसँग सम्बन्धित निकायसँग छलफल गर्दै त्रिभुवन अन्तराष्ट्रिय विमानस्थललाई व्यवस्थित बनाउन सम्बन्धित निकायलाई निर्र्देशन समेत दिए । कोरोना संकटको चपेटामा परेका नागरिकहरुलाई विदेशी भूमिमा काम गर्ने क्रममा आएका समस्याप्रति सरकार गम्भिर रहेको उनको भनाई छ ।

श्रम, रोजगार तथा सामाजिक सुरक्षामन्त्री कृष्णकुमार श्रेष्ठले वैदेशिक रोजगारमा गएका नेपालीहरुलाई ठग्ने बिचौलियालाई कारवाही गर्न छुट्टै प्रहरी युनिटको व्यवस्था गर्नुपर्ने बताए ।श्रम मन्त्रालयको प्रयासबाट मात्रै विदेशमा पीडा भोगीरहेका नेपालीको समस्या समाधान गर्ने अवस्था नरहेको उनको भनाई थियो ।