धनुषाको गणेशमान चारनाथ नगरपालिका–८ गोदार चोकमा सीके राउत नेतृत्वको जनमत पार्टीका कार्यकर्ता र प्रहरीबीच झडप भएको छ । पूर्व पश्चिम राजमार्ग अवरुद्ध गर्ने क्रममा प्रहरी र जनमत कार्यकर्ताबीच झडप भएको हो ।

झडपमा ७ जना प्रहरी र एक सशस्त्र प्रहरीसहित ८ जना सुरक्षाकर्मी घाइते भएका छन् । जनमत पार्टीका ८ जना कार्यकर्ताहरू घाइते भएका छन् । घाइतेमध्ये ३ जनालाई रबर गोली लागेको छ । प्रहरीले ११ राउन्ड रबर गोली र १६ राउन्ड अश्रु ग्यास प्रहार गरेको छ । राउतका कार्यकर्ताहरु भाटा लिएर सडकमा निस्किएका थिए । भाटासहित उपस्थित भएका राउतका कार्यकर्ताहरुले राजमार्गमा मुढा तेर्साएर सडक अवरुद्ध गर्न खोजे पछी प्रहरीले सडक खुलाउने क्रममा झडप भएको हो ।