नेपाल उद्योग वाणिज्य महासंघका कार्यवहाक अध्यक्ष चन्द्र ढकालले नीजी क्षेत्रलाई लगानीको वातावरण नभएको बताएका छन् । रामेछाप उद्योग वाणिज्य संघको १३ औ वार्षिक साधारण सभाको उद्घाटन गर्दै अध्यक्ष ढकालले सरकारले विकास बजेटको १० प्रतिशत पनि खर्च गर्न नक्दा त्यसको प्रभाव हरेक क्षेत्रमा परेको बताए । ढकालले निजी क्षेत्रलाई उत्पादनको क्षेत्रमा लगानी गर्ने वातावरण बनाउनको लागि राज्यले उचित ऐन कानुन बनाउनु पर्नेमा जोड दिए ।

मन्थली नगरपालिका प्रमुख रमेशकुमार बस्नेतले स्थानीय सरकारलाई व्यवसायीले खिसी गर्ने गरेको गुनासो गरे । सामाजिक हीतका कुरामा व्यवसायी र मन्थली बजार बासीले वेवास्ता गरेको उनको गुनासो छ ।

रामेछाप उद्योग वाणिज्य संघका अध्यक्ष केशव घिमिरे, नेपाल उद्योग वाणिज्य महासंघ नेपालका डीबी बस्नेत लगायतले उद्योग, व्यवसायको क्षेत्रमा पछिल्लो समय झेल्नुपरेका समस्याबारे धारणा राखेका थिए ।