नेकपा (एकीकृत समाजवादी)का अध्यक्ष माधवकुमार नेपालले एमाले अध्यक्ष केपी ओलीलाई सूर्य चिन्हको धाक नलगाउन चेतावनी दिएका छन् । बुधबार जनकपुरमा सञ्चारकर्मीसँग कुराकानी गर्दैै पूर्वप्रधानमन्त्री समेत रहेका अध्यक्ष नेपालले एमालेको सूर्य चिन्हमा ग्रहण लागिसकेको भन्दै धाक नदेखाउन ओलीलाई चेतावनी दिएका ह्ुन् । उनले आफ्नो पार्टीप्रति देशभर आकर्षण बढेको दावी समेत गरे ।

अध्यक्ष नेपालले आफ्नो पार्टी समाजवादको दिशामा अघि बढनका लागि समानता, न्याय, विकास र समृद्धिको विषयलाई केन्द्रविन्दुमा राखेर अघि बढेको बताए । उनले प्रदेश २ को नाम र राजधानी जनकपुर नै राख्न उपयुक्त हुने धारणा समेत राखे ।