पाँच विभिन्न मुलुकका गैरआवासीय राजदूतले राष्ट्रपति विद्यादेवी भण्डारी समक्ष ओहोदाको प्रमणपत्र पेश गरेका छन् । राष्ट्रपति भवनमा बुधबार आयोजित विशेष समारोहमा सिंगपोर, न्यूजिल्यान्ड, टर्की, रोमानिया र होली सीका राजदूतहरुले आ–आफ्नो ओहोदाको प्रमाणपत्र पेश गरेका हुन् ।

राष्ट्रपति समक्ष ओहोदाको प्रमाणपत्र पेश गर्ने राजदूतहरुमा सिंगपोरका सिमोन वोङ वी क्यून, न्यूजिल्यान्डका डेभिड ग्रेगोरी पाइन, टर्कीका फरात सुनेल, रोमानियाका डेनिला मारिआना सेजोनोभ ताने र होली सीका लिओपोल्दो जिरेल्ली रहेका छन् । सो अवशरमा परराष्ट्रमन्त्री डक्टर नारायण खड्काको समेत उपस्थिति रहेको थियो ।