नेकपा माओवादी केन्द्रका अध्यक्ष पुष्पकमल दाहालले आफूलाई सिध्याउने उद्देश्यले नेकपा एमालेले चितवनमा महाधिवेशन कार्यक्रम राखेको आरोप लगाएका छन् । रौतहटमा शनिबार आयोजित कार्यक्रममा अध्यक्ष दाहालले एमालेले माओवादी र आफूलाई सिध्याउन खोजे पनि जनताको अगाडि केही नलाग्ने बताए ।

अध्यक्ष दाहालले आगामी चुनावमा मधेसमा माओवादी केन्द्र पहिलो पार्टी बन्ने दाबी समेत गरे । उनले माओवादी छाडेर एमाले गएका प्रभु साहलाई भगौडाको संज्ञा दिए ।अध्यक्ष दाहालले एमाले अध्यक्ष केपी ओलीकै कारण संविधान संशोधन हुन नसकेको बताए । उनले आफू काठमाडौं फर्किनेवित्तिकै श्रीराम सुगर मिल सञ्चालन गर्ने विषयमा छलफल गर्ने प्रतिवद्धता पनि जनाए ।