नेकपा एमालेका अध्यक्ष केपी ओलीले एकृकीत समाजवादीका अध्यक्ष माधव नेपाललाई राजनीतिबाट विश्राम लिन सुझाव दिएका छन् । काठमाडौंमा आयोजित कार्यक्रममा अध्यक्ष ओलीले राणा शासन र राजसंस्थाको समयमा कमजोर नभएको एमाले हातमा टोपी लिएर माधव नेपालले देश दौडाहा गर्दैमा असर नगर्ने दाबी गरे । ओलीले एमालेको सहयोग विना माओवादी अध्यक्ष पुष्प कमल दाहालले कहिँ पनि चुनाव नजित्ने दाबी पनि गरे ।

अधिकांश दल र व्यक्तिप्रति आक्रामक शैलीमा प्रस्तुत भएका ओलीले सभामुख अग्नि सापकोटालाई संसदीय व्यवस्थाको कलंक भएको आरोप लगाए । सभामुख सापकोटा दलको कार्यकर्ताको रुपमा संसदमा प्रस्तुत भएको ओलीको आरोप छ ।

मातृका प्रसाद कोइरालाले कम्युनिष्ट पार्टीलाई प्रतिबन्ध लगाएर अलोकतान्त्रिक हर्कत देखाएको उदाहरण दिँदै अध्यक्ष ओलीले अहिले कांग्रेस त्यही बाटोमा लागेको आरोप पनि लगाए ।

प्रधानमन्त्री हुँदा विदेशका महंगा र विलासिताका सामान प्रयोग गरेको भन्ने भनाइको खण्डन गर्दै अध्यक्ष ओलीले श्रीमतीले पकाएको सामान्य खाना खाएर बसेको तर्क गरे ।