उद्योगी बसन्त चौधरीलाई हृदयघात भएको छ । उपचारकै लागि दुबइमा रहेका चौधरीलाई असहज भएपछि स्वास्थ्य जाँच गर्ने क्रममा हृदयघात भएको पुष्टि भएको हो । उनको दुबईस्थित एक अमेरिकी अस्पतालमा मुटुको शल्यक्रिया गर्ने तयारी भइरहेको बताइएको छ ।

चिकित्सकहरूले तत्काल ओपन हार्ट सर्जरी गर्न सुझाव दिएकाले शल्यक्रिया गर्ने तयारी भइरहेको बताइएको छ । थापाथलिस्थित नर्भिक अस्पतालका सञ्चालक समेत रहेका चौधरीको मुटुमा समस्या देखिएपछि थप उपचारका लागि दुबई लगिएको थियो । चौधरीले गत साता नर्भिक अस्पतालमै ‘एन्जियोग्राफ’ गराउँदा मुटुमा समस्या देखिएको थियो ।