राष्ट्रपति विद्यादेवी भण्डारीले नेपाल एक चीन नीतिको पक्षमा सधैँ उभिने बताएकी छन् । राष्ट्रपति भबन शितल निवासमा सी चिनफिङ र चीनको शासन व्यवस्थासम्बन्धी पुस्तकको लोकार्पण गर्दै उनले नेपाल एक चीन नीतिमा सधै उभिएको बताइन् । राष्ट्रपति भण्डारीले मित्र राष्ट्र चीनका जायज चासो र सरोकारप्रति नेपाल सधैँ संवेदनशील रहेको स्पष्ट पारिन् ।

कार्यक्रम नेपालका लागि चिनियाँ राजदूत होउ यान्छीले नेपाल र चीन बीच परापूर्व कालदेखि नै मैत्रीपूर्ण घनिष्ठ सम्बन्ध रहिआएको बताइन् । उनले भूगोल र प्रकृतिले हामीलाई एक अर्कासँग निकट बनाएको उल्लेख गर्दै दुई देशलाई महान बौद्ध सभ्यताको साझा विरासतले आपसमा जोडेको बताइन् ।राजदुत यान्छीले दुवै देशले पारस्परिक मित्रता एवं विकासमा बिकशित भएको साझेदारीलाई महत्वपूर्ण रहेको बताइन् ।