पूर्वपश्चिम राजमार्ग अन्र्तगत नवलपुरको गैँडाकोटमा आज विहान यात्रुबाहक बस र ट्रक एक आपसमा ठक्कर खाँदा तीन जनाको मृत्यु भएको छ । मृत्यु हुनेमा बर्दिया बाँसबारीकी योगमाया सुवेदी, कञ्चरपुरकी रंगी तिरुवा र कृष्ण राना रहेका छन् । दुर्घटनामा परि घाईते भएका उनिहरुको नयाँ मेडिकल कलेज भरतपुर चितवनमा मृत्यु भएको हो ।

काँकडभिट्टाबाट महेन्द्रनगरका लागि छुटेको सु प्र ०२–००१ नम्बरको यात्रुबाहक बस र ना ६ ख ७१२६ नम्बरको ट्रक ठोक्किएका हुन । दुर्घटनामा बस चालक र सहचालक सहित २४ जना घाईते भएका छन् । अन्य घाईतेहरुको सोहि अस्पतालमा उपचार भैरहेको छ ।

घाइतेमध्ये ३ जनाको अवस्था गम्भीर रहेको छ । गम्भीर घाइते हुनेमा बर्दिया बाँसगढी ८ का ८२ वर्षिय डिल्लीराम सुवेदी, जुम्ला तिलाका ३३ वर्षीय टोपवहादुर शाही र कञ्चनपुर बेलपुर ९ का ३२ वर्षीय चित्रदेव लेखक रहेका छन् । बस थुम्सीको २३ स्मृति पुलनजिक निमार्ण हुँदै गरेको डाइभर्सनमा ठोक्किएर तल खसेको हो । दुर्घटनाबारे थप अनुसन्धान भैरहेको प्रहरीले जनाएको छ ।