-
नेपाल भ्रमणमा रहेकी अमेरिकी मिलेनियम च्यालेन्ज कर्पोरेसन्स ‘एमसीसी’की उपाध्यक्ष फतिमा सुमारले माओवादी केन्द्रका अध्यक्ष पुष्पकमल दाहालसँग भेट गरेकी छन् । उपाध्यक्ष सुमारले आज विहान खुमलटार पुगेर दाहालसँग छलफल गरेकी हुन । झण्डै एक घण्टा भएको छलफलमा उपाध्यक्ष सुमारले एमसीसी नेपालको हितमा रहेको बताएकी छिन् । उनले अध्यक्ष दाहालसँग एमसीसी अमेरिकी सैन्य रणनीतिसँग सम्बन्धित नरहेको समेत उल्लेख गरेकी छन ।
जवाफमा अध्यक्ष दाहालले सत्ता गठबन्धनको बैठकबाट एमसीसी पास गर्ने वा नगर्नेबारे साझा धारणा बनाउने जानकारी गराएका गराएका छन् । चार दिने नेपाल भ्रमणमा क्रममा उनी बिहीबार नेपाल आएकी हुन । उनले बिहीबार नै प्रमुख प्रतिपक्ष एमाले अध्यक्ष केपी ओली, एकीकृत समाजवादीका अध्यक्ष माधवकुमार नेपाल, जनता समाजवादीका अध्यक्षद्वय उपेन्द्र यादवसँग पनि भेट गरेकी थिईन् ।
सम्बन्धित शीर्षकहरु
