नेकपा (एकीकृत समाजवादी)की नेतृ रामकुमारी झाँक्रीले एमसीसीको बिरोधमा उत्रिएको भन्दै एमाले अध्यक्ष केपी ओली र उपाध्यक्ष भीम रावलको चर्को आलोचना गरेकी छिन् । आफू नेतृत्वको सरकारको पालामा एमसीसी पास गर्न मरिमेटेर लागेका ओली अहिले किन त्यसको बिरोधमा उभिएका हुन् ? भन्दै नेतृ झाँक्रीले प्रश्न उठाएकी हुन् । शनिबार सुनसरीको इनरुवामा आयोजित पार्टीको प्रथम नगर कमिटीको भेलामा नेतृ झाँक्रीले महाकाली सन्धिमा समेत राष्ट्रघात गरेका ओली र रावलले राष्ट्रवादलाई आफू अनुकुल व्याख्या गर्ने गरेको आरोपसमेत लगाइन् ।

कम्युनिष्ट आन्दोलनलाई सत्यानाश बनाउने बाटोमा अघि बढेका ओलीले मुलुकलाई नै विघटनको दिशामा लैजाने प्रयास गरेपछि आफूहरुले सत्ताबाट हटाएको नेतृ झाँक्रीको प्रष्टोक्ति थियो । उनले ओलीको नेतृत्वमा रहेको एमालेको हालत सदभावना पार्टीको जस्तै हुने टिप्पणी समेत गरिन् ।