काठमाडौँको बौद्धमा मंगलबार रोपाई जात्रा धुमधामका साथ मनाइएको छ । हरेक वर्ष गाईजात्राको भोलीपल्ट बौद्धमा रोपाई जात्रा गर्ने गरिन्छ । प्रताप मल्लको पालाबाट मनाइँदै आएको रोपाई जात्रालाई आफुहरुले निरन्तरता दिएको स्थानीयको भनाइ छ । झाँकी सहितको जात्रा बौद्ध परिसरबाट रोपाई सुरु गरेर बौद्ध परिक्रमासंगै बौद्ध पिपलबोटदेखी टुसालसम्म पुगेको थियो । बौद्धको रोपाइँ जात्रामा खेतमा छ्यापेको हिलोको प्रतीकका रूपमा विभिन्न रङ दली सांस्कृतिक झाँकीसहित रोपाहारले रोपेको र बाउसेले बाउसे गरेको अभिनय गर्दछन् ।

जात्रामा तामाङ, शेर्पा, गुरुङ, नेवार र अन्य जातिहरु समेत सहभागी हुने गर्दछन् । धा बाजा, लाखे नाच, मकुन्डो आदिको प्रयोगले रोपाई जात्रा तान्त्रिक, धार्मिक, सांस्कृतिक महत्वको जात्रा बनेको संस्कृतिविद्को भनाइ छ ।।