नेपाल स्टक एक्स्चेन्ज (नेप्से) का सीईओ चन्द्रसिंह साउदले पदबाट राजीनामा दिएको छन् । साउदले अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा प्रमुख दीर्घराज मैनालीलाई राजीनामा बुझाएका हुन् ।

साउदमाथि बुक बिल्डीङ विधिबाट निष्काशन गरिन लागेको सर्वोत्तम सिमेन्ट कम्पनीको सेयर श्रीमतिको नाममा राखेको आरोप लागेको थियो । साउदकी श्रीमति सुशीला कुमारी बोहोराको नाममा उक्त कम्पनीको १० हजार कित्ता सेयर देखिएको थियो । उक्त आरोपपछि अर्थ मन्त्रालय र संसदको अर्थ समितिले उनलाई स्पष्टीकरण सोधेको थियो । साउदको कार्यकाल दुई महिना बाँकी छ ।