नेपालमा थप २ हजार ६ सय २४ जनामा कोरोना संक्रमण देखिएको छ । पछिल्लो २४ घण्टामा देशभर ८ हजार ६ सय ६७ वटा नमुना पीसीआर विधिबाट परीक्षण गर्दा १ हजार ९ सय ४७ र ४ हजार ९ सय ६ वटा नमुना एन्टीजेन परिक्षणका क्रममा ६७७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यो संगै नेपालमा कोरोना संक्रमित हुनेको कूल संख्या ८ लाख ५ हजार १ सय ९० पुगेको छ । त्यस्तै कोरोनाका कारण पछिल्लो २४ घण्टामा २० जनाको मृत्यु भएको छ । यो संगै हालसम्म १० हजार २ सय ५९ जनाले कोरोनाका कारण ज्यान गुमाएका छन् । पछिल्लो २४ घण्टामा थप १ हजार ३ सय २० संक्रमित निको हुँदा हालसम्म नेपालमा ६ लाख ८० हजार ८१५ संक्रमित कोरोना मुक्त भएका छन् ।

हाल नेपालमा ३९ हजार ४०५ सक्रिय संक्रमित आइशोलेशन र ४११ जना क्वारेन्टाइनमा छन् । हालसम्म संक्रमण पहिचानका लागि ३७ लाख ४९ हजार ४ सय ८४ वटा नमुना पिसिआर र ३ लाख ९१ हजार ८ सय ३५ वटा नमुना एन्टीजेन विधिबाट परीक्षण गरिएको मन्त्रालयले जनाएको छ ।