नेपालमा थप ३ हजार २ सय ६० जनामा कोरोना संक्रमण देखिएको छ । पछिल्लो २४ घण्टामा देशभर १० हजार ८ सय ६ वटा नमुना पीसीआर विधिबाट परिक्षण गर्दा २ हजार ४ सय ७३ र ४ हजार ६ सय ५६ वटा नमुना एन्टीजेन विधिबाट परिक्षण गर्दा ७ सय ८७ जनामा संक्रमण पुष्टि भएको स्वास्थ्य मन्त्रालयले जनाएको छ ।

योसंगै नेपालमा कोरोना संक्रमित हुनेको संख्या ७ लाख ९८ हजार ६ सय ५१ पुगेको छ । त्यस्तै कोरोनाका कारण पछिल्लो २४ घण्टामा ३२ जनाको मृत्यु भएको छ । योसंगै नेपालमा १० हजार २ सय १२ जनाले कोरोनाका कारण ज्यान गुमाएका छन् । त्यस्तै थप २ हजार २ सय ९४ संक्रमित कोरोना मुक्त हुँदा हालसम्म नेपालमा ६ लाख ७७ हजार ३ सय ७७ जना संक्रमण मुक्त भएका छन् ।

हाल नेपालमा ३८ हजार १ सय ८० जना सक्रिय संक्रमित आइशोलेशन र ४ सय ४१ जना क्वारेन्टाइनमा छन् । हालसम्म संक्रमण पहिचानका लागि ३७ लाख २९ हजार १ सय ९ वटा नमुना पिसिआर र ३ लाख ८० हजार ५५ वटा नमुना एन्टीजेन विधिबाट परीक्षण गरिएको मन्त्रालयले जनाएको छ ।