नेपालमा थप ४ हजार ९ सय ४ जनामा कोरोना संक्रमण पुष्टि भएको छ । पछिल्लो २४ घण्टामा देशभर १३ हजार २ सय १७ वटा नमुना पिसिआर परिक्षणका क्रममा ३ हजार १ सय ९४ र ५ हजार ९ सय ६ वटा नमुना एन्टीजेन परिक्षणका क्रममा १ हजार ७ सय १० जनामा संक्रमण पुष्टि भएको स्वास्थय मन्त्रालयले जनाएको छ ।

यो संगै नेपालमा कोरोना संक्रमितको संख्या ७ लाख ९१ हजार ९ सय १० पुगेको छ । त्यस्तै पछिल्लो २४ घण्टामा कोरोनाका कारण थप ३५ जनाको मृत्यु भएको छ । योसँगै नेपालमा हालसम्म १० हजार १ सय ५० जनाले कोरोनाका कारण ज्यान गुमाएमा छन् ।

त्यसैगरि २४ घण्टामा थप दुई हजार १ सय १५ संक्रमित निको हुँदा हालसम्म नेपालमा ६ लाख ७३ हजार १ सय ९८ जना संक्रमण मुक्त भएका छन् । हाल देशभर ३७ हजार ३ सय ३२ सक्रिय संक्रमित आइशोलेशन र ३ सय ८१ जना क्वारेन्टाइनमा छन् । हालसम्म नेपालमा ३७ लाख ७ हजार ३ सय ९६ वटा नमुना पिसिआर र ३ लाख ६९ हजार ६ सय ५० वटा नमुना एन्टीजेन विधिबाट परीक्षण गरिएको मन्त्रालयले जनाएको छ ।