दार्चुलामा भारतीय सुरक्षाकर्मीले तुइनको तार काटेर एक जना नेपाली युवाको मृत्यु भएको घटनाको बयान फेर्न प्रत्यक्षदर्शीलाई धम्की आएको छ । भारतीय सीमा सुरक्षा बल ‘एसएसबी’ले बयान फेर्न प्रत्यक्षदर्शीलाई धम्की दिएको स्थानीयले बताएका हुन ।

सरकारले गठन गरेको अनुसन्धान टोलीले प्रत्यक्षदर्शीलाई सदरमुकाम बोलाएपछि भारतीय पक्षवाट धम्की आएको हो । महाकाली नदीमा तुइन तर्ने क्रममा बेपत्ता भएका जयसिंह धामी बेपत्ता भएपछि खलंगा क्षेत्रमा भारतीय सुरक्षाकर्मीको उपस्थिती समेत बढेको छ । तुइन तर्दै गर्दा देख्ने तीन जनालाई जिल्ला प्रशासन कार्यालय बोलाएर प्रशासनले सोधपुछ गरेको छ । घटनाको छानबिन गर्न गृह मन्त्रालयले तीन सदस्यीय टोली गठन गरेको छ ।

टोली सोमबार दार्चुला पुगेर काम थालेको छ । दार्चुलाको व्यासबाट भारतको पिथौरागढको बाटो हुँदै जिल्ला सदरमुकाम खलंगा आउन लाग्दा स्थानीय ३३ वर्षीय धामी महाकाली नदिमा बेपत्ता भएका थिए । उनी महाकाली नदी तर्दै गर्दा भारतीय सुरक्षाकर्मीले तुइनको लठ्ठा काटेको प्रतक्ष्यदर्शीले बताउदै आएका छन । तर भारतीय सुरक्षाकर्मीले त्यसलाई अस्वीकार गर्दै आएका छन । घटनाको राष्ट्रिय रुपमा चर्को विरोध हुँदै आएको छ ।