नेपालमा थप ३ हजार १ सय ६ जनामा कोरोना संक्रमण देखिएको छ । पछिल्लो २४ घण्टामा देशभर ९ हजार २ सय ६३ वटा नमुना पिसिआर विधिबाट परीक्षण गर्दा २ हजार २ सय ८० र ४ हजार २ सय ५६ वटा नमुना एन्टिजेन विधिबाट परीक्षण गर्दा ८ सय २६ जनामा संक्रमण पुष्टि भएको हो ।

योसंगै नेपालमा कोरोना संक्रमितको संख्या ७ लाख ५६ हजार ७ सय ३९ पुगेको छ । त्यस्तै कोरोना संक्रमणका कारण पछिल्लो २४ घण्टामा २३ जनाको मृत्यु भएको छ । योसँगै नेपालमा कोरोनाका कारण ९ हजार ८ सय ५७ जनाले ज्यान गुमाएका छन् । त्यस्तै २४ घण्टामा थप १ हजार ९ सय १६ संक्रमित कोरोना मुक्त भएका छन् ।

योसँगै नेपालमा ६ लाख ५४ हजार १ सय ७७ संक्रमित निको भएका छन् । हाल ३१ हजार ३ सय ५५ जना सक्रिय संक्रमित आइशोलेशनमा रहेका छन् । हालसम्म संक्रमण पहिचानका लागि ३६ लाख ३ हजार ४ सय ६५ वटा नमुना पीसीआर र ३ लाख १८ हजार ३ सय ६७ वटा नमुना एन्टीजेन विधिबाट परिक्षण गरिएको स्वास्थ्य तथा जनसंख्या मन्त्रालयले जनाएको छ ।