चीनले नेपाललाई थप १६ लाख मात्रा खोप अनुदानमा उपलब्ध गराउने भएको छ । परराष्ट्र मन्त्रालयका अनुसार शुक्रबार दिउँसो प्रधानमन्त्री शेरबहादुर देउवालाई बधाई दिन बालुवाटार पुगेकी चिनियाँ राजदूत होउ यान्छीले थप खोप अनुदानमा दिने बताएकी हुन् ।

यसअघि चीले नेपाललाई १८ लाख मात्रा खोप अनुदानमा दिइसकेको छ भने नेपालले किनेको ४० लाख मात्रा खोपमध्ये ८ लाख मात्रा आइसकेको छ । प्रधानमन्त्री देउवाले खोप सहयोगका लागि चीन सरकारलाई धन्यवाद व्यक्त गरेका छन् । भेटपछि देउवाले ट्वीटरमा प्रधानमन्त्री निवासमा चिनियाँ राजदुत यान्छीसंग भेट भएको र नेपाल चीन सम्बन्ध अझ मजवुद हुने विश्वास व्यक्त गरेका छन् । यसअघि भारतीय राजदूत विनयमोहन क्वात्रा र अमेरिकी राजदूत ¥याण्डी बेरीले पनि प्रधानमन्त्री देउवासँग भेट गरिसकेका छन् ।