काठमान्डौ उपत्यकामा कोरोना संक्रतिको सख्यामा कमी आएपनी निषेधाज्ञा भने थप १० दिन थपीएको छ । काठमाडौं उपत्यकाभित्रका तीन वटै जिल्लाका प्रमुख जिल्ला अधिकारीको बैठकले असार ३१ गतेसम्म निषेधाज्ञा थप गर्ने निर्णय गरेको हो।

त्यस्तै सवारी साधनमाथि लगाइएको जोरबिजोर प्रणाली भने हटाईएको छ। सार्वजनिक तथा निजी सवारी साधनमाथि लगाइको जोरबिजोर प्रणाली हटाइएको जिल्ला प्रशासन कार्यालय काठमाडौंका प्रमुख जिल्ला अधिकारी कालिप्रसाद पराजुलीले जानकारी दिएकाछन्।

सवारी साधनमा लगाएको जोर बिजोर प्रणाली हटेको छ। सबै सवारी साधन गुड्न पाउने छन्, प्रजिअ पराजुलीले भने। तर, काठमाडौं उपत्यका भित्र प्रवेश गर्नेहरूले भने सम्बन्धित जिल्लाबाट जारी भएको प्रवेश अनुमति पत्र लिएर मात्र आउन पाउने व्यवस्था गरिएको छ।

देशभर कोरोना भाइरसको संक्रमण बढेपछि काठमाडौं उपत्यकामा गत वैशाख १६ गतेदेखि निषेधाज्ञा जारी गरिएको थियो। उपत्यकामा पछिल्लो समय थप भएको निषेधाज्ञा सोमवार राति १२ बजेबाट सकिँदैछ।