नेपालमा पछिल्लो २४ घण्टामा देशभर थप २ हजार ४४२ जनामा कोरोना संक्रमण पुष्टि भएको छ । देशभरका प्रयोगशालामा १० हजार ९५६ जनाको पिसिआर र एन्टीजेट परीक्षण गर्दा २ हजार ४४२ जनामा कोराना पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार ६ हजार ६७७ जनाको पिसिआर गर्दा १ हजार ४२१ जना र ४ हजार २४९ जनाको एन्टीजेन परीक्षण गर्दा १ हजार २१ जनामा संक्रमित पुष्टि भएका हो । पछिल्लो २४ घण्टामा देशभर ५१ जना संक्रमितको मृत्यु भएको छ । हालसम्म कोरोना संक्रमणका कारण मृत्यु हुनेसंख्या ८ हजार ७२७ पुगेको छ । पछिल्लो २४ घण्टामा देशभर ३ हजार ४५६ जना संक्रमित निको भएका छन् ।

नेपाल संक्रमित निको हुने दर ८८ दशमलब ५ प्रतिशत रहेको छ । नेपालमा हालसम्म ५ लाख ५६ हजार ७९८ जना संक्रमित निको भइसकेका छन् भने सक्रिय संक्रमित ५५ हजार ५३२ जना रहेका छन् । पछिल्लो २४ घण्टामा उपत्यकामा ५२८ जना कोरोना संक्रमित थपिएका छन् । काठमाडौंमा ४५०, ललितपुरमा ५३ र भक्तपुरमा २५ जनामा संक्रमण पुष्टि भएको स्वास्थ्य मन्त्रालयले जनाएको छ ।