काठमाडौं उपत्यकाको खोप अभियान प्रभावकारी नभएको भन्दै जिल्ला प्रशासन कार्यालयले अनुगमन गरेको छ । प्रशासन कार्यालयको अनुगमन टोलीले शुक्रबार काठमाडौंको ग्रान्डी र अल नेपाल अस्पतालमा अनुगमन गरेको हो । पहुँचका आधारमा अन्य उमेरका व्यक्तिलाई पनि खोप दिएको उजुरी परेपछि अनुगमन गरिएको प्रशासन कार्यालय काठमाडौंका सहायक प्रमुख जिल्ला अधिकारी जनकराज भट्टले जानकारी दिए । उनले खोप अभियानको नियमित अनुगमन गरिने समेत जानकारी दिए ।

सरकारले ६० देखि ६४ बर्ष उमेरसमूहका लागि खोप अभियान सञ्चालन गरेको हो । तर खोप सकिएको भन्दै काठमाडौँ महानगरद्वारा खोप अभियान स्थगित गरेको छ । उपत्यकाका अन्य नगरमा भने खोप कार्यक्रम जारी छ ।