पछिल्लो २४ घण्टामा देशभर ३ हजार ७ सय ४९ संक्रमित थपिएका छन् । यस्तै ५ हजार २ सय ९३ जना संक्रमण मुक्त भएका छन् । सोही अवधिमा ५९ जनाको मृत्यु भएको स्वास्थ्य तथा जनसंख्या मन्त्रालयले बिहीबार जानकारी दिएको छ ।

यससँगै देशभर पीसीआर विधिबाट परीक्षण गर्दा संक्रमित हुनेको कुल संख्या ६ लाख १ हजार ६ सय य८७ र एन्टिजेन विधिबाट परीक्षण गर्दा संक्रमित हुनेको संख्या १७ हजार ७ सय १४ पुगेको छ भने निको हुनेको कुल संख्या ५ लाख १५ हजार ५ हजार ९१ पुगेको छ ।

यस्तै हालसम्म देशभर कोरोनाबाट ज्यान गुमाउनेको संख्या ८ हजार २ सय ३८ पुगेको छ । पछिल्लो २४ घण्टामा सबैभन्दा धेरै काठमाडौंमा ५ सय ४० जना संक्रमित थपिएका छन् भने ललितपुरमा १ सय २५ र भक्तपुरमा ९९ जना संक्रमित थपिएका छन् । देशभर होम आइसोलेसनमा ७२ हजार १ सय ७८ जना, संस्थागत आइसोलेसनमा, ५ हजार ६ सय ८० जना आईसीयूमा १ हजार २ सय ६१ जना र भेन्टिलेटरमा ३ सय ८२ जना रहेको स्वास्थ्य तथा जनसंख्या मन्त्रालयले जनाएको छ ।