नेपालमा थप ८ हजार ४ सय १९ जनामा संक्रमण पुष्टि भएको छ । पछिल्लो २४ घण्टामा १७ हजार ३ सय १५ जनाको पीसीआर परीक्षण गर्दा ८ हजार २ सय ८७ र ९८९ जनाको एन्टिजेन परीक्षण गर्दा १३१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा संक्रमितको कूल संख्या ३ लाख ८५ हजार ८ सय ९० पुगेको छ ।

कोरोना संक्रमणबाट पछिल्लो २४ घण्टामा देशभर ५३ जनाले ज्यान गुमाएका छन् । योसँगै कोरोनाका कारण मृत्यु हुनेको संख्या ३ हजार ६ सय ३२ पुगेको छ । स्वास्थ्य मन्त्रालयका अनुसार पछिल्लो २४ घण्टामा ३ हजार ३ सय ७० जना निको भएका छन् ।

हालसम्म निको हुनेको संख्या ३ लाख ९८ हजार ७ सय ६५ पुगेको छ भने सक्रिय संक्रमितको संख्या ८३ हजार ४ सय ९३ रहेको छ । काठमाडौं उपत्यकामा पछिल्लो २४ घण्टामा तीन हजार ११३ जनामा कोरोना संक्रमण पुष्टि भएको छ । काठमाडौंमा दुई हजार २७०, ललितपुरमा ४६२ र भक्तपुरमा ३८१ संक्रमित थपिएका हुन् । हालसम्म देशभर २६ लाख १५ हजार ७ सय २० वटा नमूना पीसीआर विधिबाट परीक्षण गरिएको छ ।