सरकारले कोभिड संक्रमण रोकथामका लागि आन्तरिक तथा बाह्य उडान बन्द गर्ने भएको छ । आइतबार बसेको मन्त्रिपरिषद्को बैठकले सोमबार राति १२ बजेदेखि सबै आन्तरिक हवाई उडान बन्द गर्ने निर्णय गरेको हो ।

त्यस्तै बैठकले वैशाख २२ गते रातिदेखि भारतलगायत सबै देशसँगको अन्तर्राष्ट्रिय उडान रोक्ने निर्णय पनि गरेको छ । यसअघि नै सरकारलाई कोभिड संक्रमण रोकथाम निर्देशक समितिले आन्तरिक र बाह्य उडान बन्द गर्न सिफारिस गरेको थियो ।