नेपालमा दोस्रो लहरको कोरोना संक्रमण फैलिसकेको र विद्यालयमा मापदण्ड पालना नहुँदा बालबालिकामा संक्रमण तीव्र रूपमा फैलिइरहेको छ । विश्वव्यापी महामारीका रूपमा फैलिरहेको कोरोना भाइरस कोभिड–१९ संक्रमणबाट जिल्लामा बालबालिका प्रभावित हुने क्रम बढेको छ ।

प्रशासन र नगरपालिकाले समयमै सहि निर्णय लिन नसक्दा बागलुङमा कोभिड –१९ बाट बालबालिकाहरु प्रभावित बनेका छन् । नेपालको तेश्रो कोरोना संक्रमित फेला परेको बागलुङमा पहिलो चरणको महामारीमा ३ जना बालबालिकामा कोरोना देखिएकोमा दोश्रो चरणमा एकै पटक २३ बालवालिकामा संक्रमण देखिएको छ भने अन्य ६ जना मावि तहका विद्यार्थीमा कोरोना पुष्टि भैसकेको छ ।

जिल्लाका ६८ जना संक्रमित रहेको मध्य बागलुङ नगरपालिकाका मात्र १ देखी १५ वर्ष उमेर समुहका २३ जना बालवालिकामा कोरोना संक्रमण पुष्टी भएको बागलुङ नगरपालिका स्वास्थ्य शाखाले जनाएको छ । बालबालिकामा फैलिएको संक्रमण समुदायमा संक्रमणको बाहेक हुने भएकोले थप जोखिम बढेको छ । साना बालबालिकामा कोराना लागी हाल्यो भने नियन्त्रण गर्न निकै कठिन हुने स्वास्थ्यकर्मी बताउछन् ।

भौतिक रुपमा पठन–पाठन भैरहेका बिद्यालय बन्द गरि बैकल्पिक रुपमा पठनपाठन हुर्न पर्र्ने बिद्यार्थी तथा शिक्षकहरुको माग रहेको छ । यसको लागि सरकारले दिएको निर्देशनअनुसार विद्यालयहरूले केही समयका लागि दूरशिक्षा प्रणालीबाट पठनपाठन गराउनुपर्ने देखिएको छ । यदि सरोकारवाला र आम नागरिकहरुले स्वास्थ्य मापदण्ड पालन नगरेमा कोरोनाले महामारी रुप लिएको खण्डमा जिल्लाका स्वास्थ्य सस्थाले उपचार गर्न कठिन हुने देखिएको छ । सरकारले बागलुङ लगाएत १४ जिल्लालाई कोरोनाको अति उच्च जोखिममा राखेपनि यसलाई नियन्त्रण गर्ने निकायहरु गम्भीर नवन्दा नागरिकहरुले स्वास्थ्य समस्याको मारमा पर्ने देखिन्छ ।