बागलुङ नगरपालिका भित्र कोरोना संक्रमण नियन्त्रण र जोखिम कम गर्न प्रमुख जिल्ला अधिकारी सहितको टोलीले धौलागिरि अस्पताल बागलुङको अनुगमन गरेको छ । अस्पतालमा स्थापना हुदै गरेको पिसिआर ल्यावको संचालनबारे प्रमुख जिल्ला अधिकारी शिव कुमार कार्की सहितको टोलीले अनुगमन गरेको हो । जिल्लामा संक्रमणसंग जुध्न प्रभावकारी ढंगले काम गर्न सबैको सहयोग अपरिहार्य भएकोले नागरिकको स्वास्थ्यप्रति प्रशासन गम्भिर रहेको बताइएको छ ।

अनुगमन टोलीले कोभिडका बिरामी राख्नको आइसोलेसन वार्ड बनाउन बागलुङ नगरपालिकाको पुरानो भवनमा राख्ने ब्यबस्थापन गर्न समेत निर्देशन दिएको छ । मास्कको प्रयोगमा कडाइ गर्दै सचेतना अभियानलाई तिब्र पारिएको प्रशासन कार्यालयका सुचना अधिकारी गणेश गौतमले बताए ।

जिल्लामा पार्टी प्यालेस ,जिम हल ,सिनेमा हल, धार्मिक स्थल , खेलकुद गतिविधीलाइ बैशाख मसान्तसम्म बन्द गरिएको सूचना अधिारी गौतमले जानकारी गराएका छन् ।