प्रधानमन्त्री तथा नेकपा एमालेका अध्यक्ष केपी ओली र नेता माधव कुमार नेपालबीच आज पनि भेटवार्ता भएको छ । विहिवार दिउसो नक्सालस्थित होटल मेरिएटमा दुई नेताबीच पार्टीभित्र देखिएको विवादका विषयमा केन्द्रित भएर करिव डेढ घण्टा कुराकानी भएको हो । बैठकपछि बाहिरिने क्रममा नेता नेपालले वार्तामा कुनै प्रगति नभएको बताए ।

वार्तापछि प्रधानमन्त्रिका आर्थिक सल्लाहकार एवं उद्योगी मोतिलाल दुगडले भने वार्ता सकारात्मक बाटोमा अगाडि बढेको बताए । वार्ता पछि दुवै नेताहरु प्रफुल्ल भएर निस्किएकाले वार्ता सकारात्मक भएको अनुमान गर्न सकिने दुगडले बताए । दुवै नेताले एमालेलाई फुट्नबाट जोगाउन चाहेकाले पार्टीभित्रको विवाद नमिल्दासम्म वार्ता चलिरहने उनको भनाइ छ ।एमाले विभाजनको संघारमा पुगेको चर्चा चलिरहेका बेला पार्टीका प्रमुख दुई नेताबीच बुधबार यता दोस्रो पटक भेटवार्ता भएको हो ।