नेकपा माओवादी केन्द्रका अध्यक्ष पुष्पकमल दाहालले केही दिनमै नयाँ सरकार गठन हुने दावी गरेका छन् । चितवनमा माडीमा कार्यकर्तालाई सम्बोधन गर्दै अध्यक्ष दाहालले असंवैधानिक र अलोकतान्त्रिक कदमका विरुद्ध उभिएका सबै राजनीतिक दलहरू मिलेर केही दिनमै जनपक्षीय सरकारमा जान जरुरी रहेको बताए । उनले निरंकुश, स्वेच्छाचारी, असंवैधानिक र अलोकतान्त्रिक सरकारलाई ठेगान लगाउने अन्तिम कसरत भइरहेको जानकारी समेत दिए ।

गणतन्त्रमाथि हमला गर्ने दुस्साहस भइरहेको भन्दै अध्यक्ष दाहालले परिवर्तन ल्याउन महत्वपूर्ण भूमिका खेल्ने प्रमुख पात्र आफूलाई सिध्याउन खोजिएको दावीसमेत गरे ।