नेपाल प्रज्ञा प्रतिष्ठानले पुस्तक तथा पत्रपत्रिकाहरू प्रदर्शनी आयोजना गरेको छ ।नयाँ बर्षलाई लक्षित गर्दै प्रतिष्ठानले मंगलबारबाट पुस्तक तथा पत्रपत्रिकाहरू प्रदर्शनी गरेको हो ।

प्रदर्शनीमा हालसम्म नेपाल प्रज्ञा प्रतिष्ठानले प्रकाशन गरेका पुस्तकहरू राखिएका छन् । विभिन्न विषयका ४ सय ५० वटा पुस्तक र करिव १०० वटा पत्रपत्रिकाहरू हेर्न र खरिद गर्न पाइने प्रतिष्ठानले जनाएको छ । त्यस्तै प्रदर्शनीमा नेपाली शव्दकोषको १० औं संस्करण, बिभिन्न जातिय शव्दकोष जातिय संस्कृतिबारे जानकारी दिने पुस्तकहरु पनि राखिएका छन् । पुस्तकहरू हरेक नेपालीहरूको हातमा पुर्याउन प्रदर्शनी गरिएको प्रतिष्ठानका कुलपति उप्रेतीले बताए ।पुस्तक तथा पत्रपत्रिका प्रदर्शनी १५ दिनसम्म चल्ने र पाठकहरुको माग भए केहिदिने प्रदर्शनी लम्विन सक्ने बताइएको छ ।