परराष्ट्रमन्त्री प्रदीप ज्ञवालीले सरकारले गरेको कामलाई नकारात्मक प्रचार गर्ने क्रम बढेको गुनासो गर्नुभएको छ ।गुल्मेली अधिकृत समाजले शनिबार काठमाडौंमा गरेको कार्यक्रममा उहाले मुलुक बिकास निर्माणको गतिमा तिव्र रुपमा अघि बढेपनि सरकारले गरेको कामको नकारात्मक प्रचार गर्ने गरिएको गुनासो गर्नुभएको हो ।

उहाले समाजलाई रुपान्तरण गर्दै देशलाई अघि बढाउनुपर्ने धारणा राख्नुभयो । मन्त्री ज्ञवालीले देश बनाउन सक्छौ भन्ने संकल्प लिएमात्र मुलुकको बिकासले साकार रुप लिने तर्क गर्नुभयो । सार्वजनिक सेवा प्रदायक संस्थाहरुलाई प्रतिपर्धी र उत्तरदायि बनाउनु चूनौति रहेको उहाको भनाई छ ।कार्यक्रममा मन्त्री ज्ञवालीले गुल्मेली अधिकृत समाजले प्रकाशन गरेको भित्तेपात्रो र स्मारिका बिमोचन गर्नुभएको थियो ।